Owono thyen heshtjen pas vdekjes së Jesus de Miguel: Ndjej dhimbje të thellë për humbjen e tij

Portieri i FC Andorrës, Jesus Owono, ka thyen heshtjen pas vdekjes së sulmuesit të Tenerifes në një ndeshje të ligës së Spanjës. Në një mesazh të publikuar nga klubi i FC Andorrës, Owono ka shpallur se janë "dita më të vështira të jetës sime" dhe se ndjej një dhimbje të madhe për humbjen e Jesus. "Nuk mund të gjej dot fjalët dhe e kam shumë të vështirë të përpunoj gjithçka ka ndodhur", tha Owono. "Mendimet e mia shkojnë për të, familjen e tij dhe të gjithë personat që e kanë dashur".

Klubi i FC Andorrës ka kërkuar ndjeshëmërinë dhe respektin maksimal për Jesus dhe familjen e tij, dhe para seancës stërvitore, skuadra mbajti një minutë heshtje në nder të kujtimit të Jesus de Miguel.

Policia spanjolle ka hapur një hetim për një vrasje të mundshme pa dashje pas vdekjes së sulmuesit të Tenerifes. Sipas ligjit në Spanjë, vdekjet për shkaqe jo natyrale duke përfshirë edhe incidentet, janë objekt hetimesh. Por ndërkaq, sipas prokurorisë, është shumë e vështirë që në rastin e Owonos të ketë një procedim penal duke qenë se goditja ndodhi gjatë një aksioni në fushën e lojës.

Pas lajmit tronditës, portieri i FC Andorrës vendosi të mbyllë llogarinë e tij në rrjetin social Instagram.