Shtetet e Bashkuara kanë kryer një sulm të dytë ndaj Iranit, ndërkohë Vance kërkon marrëveshje

Shtetet e Bashkuara kanë kryer një sulm të dytë ndaj Iranit, sipas presidentit Donald Trump. Sulmi u krye në ishullin Qeshm, në Gjirin Persik. Trump e cilësoi sulmin si një operacion të kufizuar dhe tha se ai u krye për të nxjerrë jashtë funksionin një pajisje kundërajrore të ndërtuar nga Iran.

Ndërkohë, zëvendëspresidenti JD Vance po ushton presion për t’i dhënë fund luftës përmes një marrëveshjeje me Iranin. Vance ka qenë i angazhuar në negociata indirekte me Iranin për të arritur një marrëveshje të re armëpushimi dhe për të rifilluar bisedimet mbi programin bërthamor të Teheranit. Ai po komunikon pothuajse çdo ditë me ndërmjetësit e Katarit dhe Pakistanit për të organizuar një takim në nivel teknik mes përfaqësuesve amerikanë dhe iranianë.

Sekretari i Mbrojtjes, Pete Hegseth, dhe komandanti i Komandës Qendrore të SHBA-së (CENTCOM), Brad Cooper, mbështesin rifillimin e operacioneve ushtarake kundër Iranit. Forcat amerikane janë të dislokuara në më shumë se një duzinë anijesh dhe në baza ushtarake në rajon dhe në SHBA, duke pritur urdhrin e presidentit për të nisur operacione të reja.

Senatori amerikan Bernie Sanders ka bërë thirrje demokratëve që në Kongresin e ardhshëm të ndërpresin financimin e luftës amerikane kundër Iranit. Sanders e cilësoi konfliktin si “të paligjshëm” dhe “jokushtetues”, duke pretenduar se ai ka shkaktuar vdekjen e 19 ushtarakëve amerikanë dhe mijëra burrave, grave e fëmijëve në Iran dhe vendet fqinje.