Argjentina kërkon agjentë sekretë 007, mbi 40 mijë persona aplikojnë brenda 24 orësh

Argjentina hapi dyert e shërbimit të saj sekret për herë të parë përmes një konkursi publik për të rekrutuar agjentë të rinj 007. Sekretaria e Inteligjencës së Shtetit (SIDE) bëri të qartë se nuk ka orare të caktuara për aplikim dhe se niveli i angazhimit të kërkuar është jashtëzakonisht i lartë dhe rreziqet janë reale. Kërkesat për pjesëmarrje në konkurs përfshijnë shtetësinë argjentinase, një diplomë të shkollës së mesme dhe gatishmërinë për t’u zhvendosur në kryeqytet, Buenos Aires. Aplikantët do të duhet gjithashtu të kalojnë kontrolle mjekësore dhe sigurie, duke përfshirë një kontroll të së kaluarës. Mijëra njerëz iu përgjigjën njoftimit brenda pak orësh dhe ka ende kohë për të aplikuar, deri më 30 nëntor. Procesi i përzgjedhjes është pjesë e një riorganizimi të Sistemit Kombëtar të Inteligjencës i cili synon të forcojë transparencën dhe profesionalizmin e tij, duke prezantuar një rrugë karriere të bazuar në meritë, trajnim dhe rezultate.