Aktualitet
Bllokuan rrugën dhe penguan qarkullimin e automjeteve gjatë protestës, 10 persona gjobiten
10 persona gjobiten me 5 mijë lekë për bllokimin e rrugës dhe pengimin e qarkullimit të automjeteve gjatë protestës.
Dhjetë persona janë ndëshkuar me gjobë nga Policia e Tiranës pas tubimit të zhvilluar një ditë më parë në bulevardin “Dëshmorët e Kombit”. Sipas policisë, ata kanë bllokuar rrugën dhe kanë penguar qarkullimin e automjeteve, pavarësisht thirrjeve të përsëritura të uniformave blu për lirimin e saj. Secili prej tyre është gjobitur me 5 mijë lekë, ndërsa materialet i janë referuar Prokurorisë për veprime të mëtejshme.