Aksidenti në aksin Lushnjë-Rrogozhinë: 83-vjeçari nxjeret nga automjeti nga zjarrfikësit

Një aksident i rëndë ka ndodhur në aksin Lushnjë-Rrogozhinë, ku një automjet ka dalë nga rruga dhe shoferi, një 83-vjeçar, ka mbetur i plagosur lehtë. Në mjet ndodhej vetëm drejtuesi, Musa Sula, i cili ka marrë dëmtime të lehta si pasojë e aksidentit. Për nxjerrjen e tij nga automjeti është dashur ndërhyrja e forcave zjarrfikëse. Pas nxjerrjes, 83-vjeçari është transportuar në spital për të marrë ndihmën mjekësore dhe ndodhet jashtë rrezikut për jetën. Pas mbërritjes në spital, atij i është kryer testi i alkoolit, i cili ka rezultuar negativ. Ndërkohë, Policia po vijon hetimet për të përcaktuar shkaqet dhe rrethanat e daljes së automjetit nga rruga.