Vjeshta në telaj: Piktorët e Kelmendit sjellin në art magjinë e Vermoshit dhe Lepushës

Piktorët shqiptarë kanë qëndruar në Kelmend për të sjellë në telaj magjinë e natyrës. Zona e Malësisë së Madhe është një studio e hapur arti për artistët, duke përfshirë peizazhet mahnitëse dhe bukuritë natyrore të Vermoshit dhe Lepushës. Përveç maleve dhe pyjeve, në këtë koloni artistike një vend të veçantë zuri edhe trashëgimia kulturore e Kelmendit.

Në telajot e piktorëve u përfshi edhe xhubleta, veshja tradicionale e kësaj treve, tashmë e UNESCO-s. Vajzat e Kelmendit, të veshura me kostumin tradicional, u kthyen ne frymëzim për artistët. Përmes penelit dhe ngjyrave, artistët nuk sollën vetëm një dimension artistik, por edhe një formë promovimi te potencialeve turistike te Kelmendit.