Artistja hungareze sjell ekspozitën e veçantë në Memaliaj
Artistja hungareze Judit Szendrei ka sjellë një ekspozitë të veçantë në Memaliaj, ku përmes pullave postare krijon portrete, objekte dhe histori figurative.

Artistja hungareze Judit Szendrei ka sjellë në Memaliaj një ekspozitë të veçantë, ku përmes pullave postare krijon portrete, objekte dhe histori figurative. Ekspozita është organizuar në galerinë e Arteve “Kalo” dhe ka tërhequr artdashës nga qytete të ndryshme të Shqipërisë. Përmes kolazheve artistike, artistja ndërthur historinë dhe kulturën me artin, duke i dhënë pullave postare një tjetër dimension. Këtij projekti artistik i bashkohet edhe një mision humanitar, në mbështetje të kauzës së personave me Sindromën Down. Ndërkohë, kryetari i Bashkisë së Memaliajt, Albert Malaj, vuri në dukje lidhjet historike mes Shqipërisë dhe Hungarisë, si dhe bashkëpunimin mes dy vendeve. Ekspozita u organizua nga Bashkia e Memaliajt, me mbështetjen e Ambasadës së Hungarisë në Tiranë.