82 Vite nga Çlirimi i Tiranës: Veteranët dhe Qytetarët Përkujtojnë Betejën 19-Ditore
Sot, qyteti i Tiranës përkujton 82 vjetorin e çlirimit nga pushtimi gjerman, pas një beteje të ashpër që zgjati 19 ditë. Veteranët dhe qytetarët e Tiranës nderuan dëshmorët e luftës dhe kujtuan betejën që shpëtoi qytetin.

Sot, qyteti i Tiranës përkujton 82 vjetorin e çlirimit nga pushtimi gjerman, pas një beteje të ashpër që zgjati 19 ditë. Veteranët dhe qytetarët e Tiranës nderuan dëshmorët e luftës dhe kujtuan betejën që shpëtoi qytetin.
Veterani 97-vjeçar i Luftës Antifashiste Nacionalçlirimtare, Naxhi Zhupa, kujton dhe nderon kolegët që dhanë jetën për lirinë e atdheut. Ai ishte pjesë e grupit të sulmit dhe u plagos në luftë. "Unë isha pjesë e grupit të sulmit. Na goditën me artileri, na zuri poshtë", tha Naxhi Zhupa.
Drejtues të Bashkisë dhe Qarkut Tiranë, deputetë, përfaqësues të shoqatave të veteranëve, familjarë të dëshmorëve, u bashkuan për të nderuar dhe kujtuar dëshmorët e luftës. "Përulemi me respektin më të thellë për të gjithë ata që dhanë jetën që Shqipëria të ishte e lirë nga pushtuesit nazi-fashistë. Ata që ranë për liri nuk kërkuan lavdi, as privilegje, ata dhanë jetën për një ideal më të madh se vetja, lirinë e atdheut", tha Shkëlqim Hajdari, Prefekti i Tiranës.
Festimet u zhvendosën pranë Parkut Rinia, ku qytetarët kujtuan përmes fotove të ekspozuara nga Drejtoria e Arkivave Tiranës. Në mëngjesin e 17 nëntorit 1944, forcat gjermane u tërhoqën nga Tirana dhe kryeqyteti nisi t’i rikthehej normalitetit pas gati pesë vitesh pushtimi të huaj.