Procedohen penalisht 10 persona dhe vendosen 13 gjoba administrative pas tubimit në Tiranë
Policia e Tiranës ka proceduar penalisht 10 persona dhe ka vendosur 13 gjoba administrative pas tubimit të zhvilluar një ditë më parë në kryeqytet.

Policia e Tiranës ka proceduar penalisht 10 shtetas për veprime të kundërligjshme gjatë tubimit të zhvilluar një ditë më parë në kryeqytet. Gjithashtu, në zbatim të Aktit Normativ, janë vendosur 13 masa administrative për kundërvajtjet e konstatuara. Hetimet vijojnë për identifikimin e personave të tjerë të përfshirë në incidentet e regjistruara gjatë protestës. Specialistët për Hetimin e Krimeve, në bashkëpunim me Prokurorinë, vijojnë veprimet hetimore për dokumentimin e plotë të veprimeve të kundërligjshme, identifikimin e shtetasve të tjerë të përfshirë në to, si dhe nxjerrjen e tyre përpara përgjegjësisë ligjore. Materialet procedurale iu referuan Prokurorisë, për veprime të mëtejshme.