Rama justifikon përdorimin e plumbave të gomës gjatë protestave: "Nuk bëhet balet aty!"

Kryeministri Edi Rama ka mbrojtur përdorimin e plumbave të gomës gjatë përpjekjeve për të shpërbërë protestat, duke thënë se efektivët janë të prirur në sulme të rrezikshme. Ai tha se një efektiv policie u godit me një zar çelik, ndërsa një tjetër mbeti i plagosur në nofull. Rama përdori edhe ironi për të justifikuar reagimin e forcave të rendit, duke thënë se në protesta "nuk bëhet balet apo luhet futboll". Ai paralajmëroi gjithashtu se forcat RENEA do të vazhdojnë të jenë të pranishme sa herë të ketë kërcënime, ndërsa theksoi se policia do të shtrëngojë masat ndaj personave që marrin pjesë në protesta me maska, duke fshehur identitetin. "U gjuajtën me plumb gome sepse efektivit mori zarin e çelikut dhe iu ç'nofulla tjetrit dhe shoku në krah e largoi. Nuk bëhet balet aty apo luhet futboll dhe merr faull. RENEA ka detyrë të dalë kur ka kërcënim. Del edhe kur luhet ndeshja Shqipëri-Serbi. Doli dhe do të dalë, nuk diskutohet. Do të shtrëngohet rrethoi ndaj atyre me maska, e ka edhe ligji që nuk mund të fshehësh identitetin", tha Rama.