78 protestues të arrestuar dalin para gjykatës për masat e sigurisë

78 persona të arrestuar gjatë protestave të fundit në Tiranë kanë dalë para Gjykatës së Shkallës së Pare në Tiranë për shqyrtimin e masave të sigurisë ndaj tyre. Seancat po zhvillohen nga gjyqtaret Amarilda Sulaj dhe Sokol Mara.

Ndërkohë, një ditë më parë, Gjykata e Tiranës mori vendimet e para për 22 nga 63 personat e ndaluar në lidhje me protestat. Nga këto vendime, 8 persona u lanë në masën e sigurisë "arrest në burg", 2 të tjerë në "arrest në shtëpi", ndërsa për 12 të ndaluar u vendos masa "detyrim paraqitjeje".

Procesi gjyqësor vijon me shqyrtimin e masave të sigurisë për të ndaluarit të tjerë, pas protestave të shoqëruara me tensione dhe përplasje në kryeqytet.