Studentët në protestë në Tiranë, një qytetar i moshuar iu bashkohet dhe i kërkon largimin e Rama-s
Studentët dhe gjimnazistët kanë dalë në rrugë në Tiranë për të protestuar kundër qeverisë dhe SPAK-ut, duke iu bashkëngjitur një qytetar i moshuar që i kërkon largimin e kryeministrit Edi Rama dhe krijimin e një qeverie teknike.
Një qytetar i moshuar, pjesë e protestës studentore në Parkun “Rinia” në Tiranë, ka dhënë një mesazh për gazetaren e News24, Ergys Gjençaj, duke shprehur mbështetjen për studentët dhe gjimnazistët që kanë dalë në rrugë. Ai e cilësoi protestën si një reagim të domosdoshëm për të ardhmen e vendit, duke pretenduar se SPAK-u është pjesë e qeverisë. Qytetari u shpreh gjithashtu se Shqipëria nuk ka të ardhme me qeverinë aktuale dhe kërkoi largimin e kryeministrit Edi Rama, krijimin e një qeverie teknike dhe më pas zhvillimin e zgjedhjeve të lira. “Përveç studentëve dhe gjimnazistëve, janë edhe populli i Tiranës. Është një reagim i domosdoshëm për të ardhmen e këtij vendi. SPAK-u është pjesë e qeverisë, në të gjitha drejtimet. Ky vend, me këtë kryeministër dhe këtë qeveri, nuk ka asnjë të ardhme. Çdo ditë shkatërron dhe shet të gjitha të këqijat. I mbështes në mënyrë të plotë ata që kanë dalë në protestë. Dhe kërkojmë largimin e Ramës. Ai duhet kapur zvarrë. Më pas të kalohet në qeveri teknike dhe më pas zgjedhje të lira. Nuk mund të rrimë peng i horrit.”, tha ai.