Komisioni Evropian heton Booking.com për listat e rreme dhe mashtrimet online

Komisioni Evropian po heton Booking.com për të parë nëse platforma e rezervimit të akomodimit po merr masat e nevojshme për të mbrojtur përdoruesit nga listat e rreme, mashtrimet online dhe vjedhja e të dhënave. Hetimi u mor pas një shqyrtimi paraprak dhe një vlerësimi i raporteve të vlerësimit të riskut të paraqitura nga Booking.com gjatë vitit aktual dhe tre viteve të mëparshme.

Fokusi i inspektimeve është në listat mashtruese të akomodimeve, duke përfshirë rastet e pronave që shfaqen të disponueshme për rezervim kur nuk janë. Komisioni Evropian do të shqyrtojë edhe rastet e mashtrimit përmes imitimit dhe ofertat e akomodimit që nuk plotësojnë kërkesat e kërkuara. Çështja kryesore është të verifikohet nëse Booking ka identifikuar, vlerësuar dhe adresuar në mënyrë efektive rreziqet sistemike që lidhen me këto praktika.

Vëmendje e veçante do të kushtohet edhe mashtrimeve të tipit phishing, në të cilat kriminelët përqëndrojnë të marrin informacione të ndjeshme ose detaje financiare nga udhëtarët. Sipas Komisionit, hetimi do të mbulojë konkretisht mashtrimet që shfrytëzojnë të dhënat e rezervimeve dhe të mysafirëve që ndahen përmes platformës me ofruesit e akomodimit.

Një fushë tjetër shqyrtimi ka të bëjë me listat me pagesë që fitojnë shikueshmëri me rezultatet e kërkimit, pa u identifikuar qartë natyra e tyre reklamuese.

Rregullorja evropiane vendos detyrime të shtuara mbi platformat e medha online për të identifikuar dhe adresuar përmajtjen dhe rreziqet e paligjshme që mund të ndikojnë te përdoruesit e tyre. Kompanitë duhet të vlerësojnë rreziqet që lidhen me funksionimin e shërbimeve të tyre dhe të zbatojnë mekanizma efektiv për të kufizuar ato. Në rast shkeljesh, legjislacioni evropian parashikon vendosjen e gjobave që mund të arrijnë deri në 6% të xhiros vjetore globale të kompanisë.

Booking.com, e cila i përkasë grupit Booking Holdings, ka njoftuar se po bashkëpunon në mënyrë konstruktive me Komisionin Evropian në kontekstin e procesit. Siguria, besimi dhe mbrojtja e informacionit personal janë paraparësitë kryesore për Booking.com. Platforma mbetet e përkushtuar për të bashkëpunuar me qeveritë, autoritetet rregullatore dhe të zbatimit të ligjit, si dhe aktorët e industrisë, me qëllim luftimin e krimit kibernetik dhe mashtrimit online.