Deputeti i PS-së: Protesta nuk është e PD-së, por një protestë që duhet të marrim mesazhet e duhura

Deputeti i Partisë Socialiste, Ardit Bido, u shpreh në emisionin “Top Story” me Grida Dumën se ajo çfarë ndodhi ditën e sotme në Kuvend ishte “vijimësia e teatrit të shëmtuar të Partisë Demokratike”. Ai tha se në parlament ka dialog dhe debat, por kjo forma e tretë me pseudo cubat që të heqin kartonin nga dora, kur janë kamerat, se kur nuk ka kamera jo, nuk është politikë.

Bido u pyet nga Grida Duma nëse do të ketë interpelancë me kryeministrin Edi Rama dhe u shpreh se nuk ishte në rastin konkret. Ai tha se interpelancat me kryeministrin shkojnë sipas fushës së përgjegjësisë dhe se mund të kërkosh interperlancë me kryeministrin sa i përket Arsimit, por është ministri përkatës që është i gatshëm përgjigjen.

Duke iu kthyer se çfarë ndodhi sot në Kuvend, deputeti i PS-së u shpreh se pamë një PD që donte të hynte nga dritarja për të hyrë në një lutje për bashkëqeverisje. Ai tha se flisnin për qeveri kujdestare dhe se dëgjoi për herë të parë këtë.

Ndërkohë sa i përket protestës, deputeti i Partisë Socialiste u shpreh se nuk është e PD-së. Ai tha se nuk është protestë e PD, por një protestë që duhet të marrim mesazhet e duhura. Ai tha se aty ka edhe të PD, që janë në krye të dhunës, të disa të partive të vogla, Lëvizja Bashkë me një rrymë si Antifa dhe edhe studentë.