Dy persona arrestuar për djegjen e automjetit në Vlorë

Në kuadër të operacionit të koduar "Order", policia e Vlorës ka zbardhur djegjen e një automjeti më 22 shtator, ngjarje e cila fillimisht u dyshua si aksidentale për shkak të një defekti teknik. Si rezultat i zbardhjes së aksidentit janë arrestuar dy persona, njëri i dyshuar si porositës dhe tjetri si autor i djegies së automjetit.

Njoftimi i Policisë Vlorë/ Finalizohet operacioni i koduar "Order", zbardhet djegia e një automjeti, një muaj më parë, e dyshuar fillimisht si ngjarje aksidentale. Identifikohen dhe arrestohen 2 shtetas, njëri i dyshuar si porositës dhe tjetri si autor i djegies së automjetit. Specialistët për Hetimin e Krimeve të Komisariatit të Policisë Vlorë, në vijim të veprimeve hetimore të kryra në drejtimin e Prokurorisë, për zbardhjen e ngjarjes së ndodhur më datë 22.09.2026, rreth orës 01:20, në lagjen "1 Maji", Vlorë, ku u dogj automjeti në pronësi të shtetasit S. N., organizuan dhe finalizuan operacionin e koduar "Order".

Fillimisht, ngjarja u raportua si aksidentale për shkak të një defekti teknik në motorin e automjetit, por nga veprimet intensive hetimore u zbulua se automjeti ishte djegur qëllimisht. Në kuadër të operacionit u arrestuan shtetasit R. K., 33 vjeç dhe T. K., 36 vjeç, të banues në Vlorë, pasi dyshohet se shtetasi R. K. ka porositur shtetasin T. K., për djegjen e automjetit në pronësi të shtetases S. N., 50 vjeç, banuese në Vlorë.

Materialet procedurale iu referuan Prokurorisë pranë Gjykatës së Shkallës së Pare të Juridiksionit të Përgjithshëm Vlorë, për veprën penale "Shkatërrimi i pronë me zjarr", kryer në bashkëpunim.