Mjekja: Gazët e lotsjellës dhe plumbi gome mund të shkaktojnë gjakderdhje dhe dëmtime të lëkurës

Mjekja Amarda Cenko ka ngritur shqetësimin për pengesat që studentët përjetojnë në Shqipëri, duke përmendur mungesën e ilaçeve dhe largimin e mjekëve. Ajo ka thënë se edhe ajo ka menduar të largohet nga vendi, por lidhja me familjen e ka mbajtur atë në vend.

Cenko ka theksuar se studentët po ngrenë zërin për çështje që i prekin drejtpërdrejt, duke përmendur arsimin si një nga problemet që ata përjetojnë. Ajo ka deklaruar se brezi i ri i ka të qarta kërkesat dhe problemet me të cilat përballet.

Gjatë bisedës, mjekja ka folur edhe për pasojat që mund të shkaktojnë mjetet e përdorura gjatë ndërhyrjeve policore në protesta. Ajo ka shpjeguar se gazët e lotsjellës mund të shkaktojnë dëmtime në lëkurë dhe mund të çojë deri në djegie të lëkurës, ndërsa goditjet me plumba gome në bark apo në qafë mund të shkaktojnë gjakderdhje të brendshme dhe prekje të zonave vitale.