Gjetje tronditëse në Zvicër, gjenden mbetje njerëzore në çanta shpine në lumin Rajn

Gjatë kërkimeve të mëtejshme, me ndihmën e zhytësve dhe një varke, autoritetet gjetën edhe çanta të tjera që përmbanin mbetje njerëzore. Zbulimi u bë në zonën e Stein, ku tre persona vunë re një çantë shpine në ujë. Pasi e nxorën në breg, ata konstatuan se brenda saj ndodhej një kembë njeriu. Shërbimi Forenzik i Aargau po kryen ekzaminimet për të përcaktuar identitetin e viktimës dhe rrethanat e vdekjes. Policia dyshon se është një krim i dhunshëm, por ende nuk ka të dhëna për vendin ku mund të jetë kryer krimi apo për autorët e mundshëm. Ndërkohë, prokuroria ka nisur hetimet, ndërsa policia u ka bërë thirrje qytetarëve që mund të kenë vëre lëvizje të dyshimta pranë lumit të ndihmojnë me informacione.