Kronikë
Plagosja me armë zjarri në Shkodër: Policia vëzhgon dhe punon për identifikimin e autorit
Një shtetas është plagosur me armë zjarri në fshatin Shtoj të Shkodrës, ndërsa policia është duke vëzhguar dhe punuar për identifikimin e autorit të plagosjes.
Rreth orës 10:40, në fshatin Shtoj, dyshohet se një shtetas ende i paidentifikuar ka plagosur me armë zjarri, në këmbë, shtetasin T. H., i cili është dërguar në spital dhe po merr ndihmë mjekësore.
Shërbimet e Policisë kanë shkuar menjëherë në vendngjarje dhe po punojnë për identifikimin dhe kapjen e autorit të dyshuar.
Grupi hetimor, në drejtimin e Prokurorisë, vijon punën për zbardhjen dhe dokumentimin e rrethanave të rastit.