Nurellari: Opozita shqiptare mund të mëson nga Serbia për të qenë më efektive

Politologu Adri Nurellari komentoi rezultatin e zgjedhjeve në Serbi me fitoren e Listës Studentore dhe largimin e Aleksandër Vuçiç pas 14 vjetësh në pushtet. Sipas tij, një element shumë i rëndësishëm që i kontribuoi fitores së lëvizjes studentore dhe largimit të Vuçiçit ishte qëndrimi i opozitës tradicionale serbe, që u largua tërësisht dhe nuk tentoi të infiltronte njerëzit e vet në protestë, krejt e kundërta që po bën opozita në Shqipëri.

Nurellari tha se ka shumë elementë që i kontribuan fitores së lëvizjes studentore në Serbi, por thelbi kryesor që i vlen edhe Shqipërisë është që zgjedhjet janë prapë instrumenti më i mirë për të siguruar rotacion dhe për të hequr autokratët. Ai shtoi se protesta mobilizoi një elektorat të ri dhe u bë një lëvizje që gradualisht u organizua në strukturë dhe më tej në alternativë politike, me kandidatura dhe vizione.

Nurellari gjithashtu tha se është aftësia e kësaj proteste dhe elitës që, ndryshe nga ne, që i ndenjën jashtë protestës së flamingove, atje i ndenjën në krye që në start, por edhe një gjë shumë e rëndësishme është se si ka vepruar opozita tradicionale. Kjo është një shuplakë për opozitën tradicionale shqiptare, që e përdor kapjen e shtetit si alibi për dështimet e panumërta. Opozita atje u largua dhe e vuri në dispozicion gjithë infrastrukturën e vet dhe nuk infiltroi njerëzit e vet brenda protestës. Ajo që bën opozita në Shqipëri është krejt e kundërta e asaj që bëjnë serbët.