Yulia Navalnaya paralajmëron për aleancën mes regjimeve autoritare dhe ekstremit të djathtë në Evropë

Yulia Navalnaya, e vjela e opozitarit rus Alexei Navalny, ka paralajmëruar për rritjen e bashkëpunimit mes regjimeve autoritare dhe partive të ekstremit të djathtë në Evropë. Ajo theksoi se këto forca shkëmbejnë përvojë dhe bashkëpunëojnë për të forcuar ndikimin e tyre politik. Sipas një raporti të ri të Fondacionit për të Drejtat e Njeriut, parti si Tubimi Kombëtar në Francë, AfD në Gjermani dhe Reform UK në Britaninë e Madhe po forcojnë lidhjet mes tyre, ndërsa raporti evidenton edhe thellimin e marrëdhënieve të disa prej tyre me Rusinë. Navalnaya paralajmëroi gjithashtu se regjimet autoritare po bëhen gjithnjë e më të afta për të shfrytëzuar sistemet financiare dhe ligjore perëndimore për të anashkaluar sanksionet dhe kufizimet. Ajo theksoi se ato mund të mposhten vetëm përmes bashkëpunimit të atyre që mbrojnë lirinë. Raporti nënvizon gjithashtu rolin e Rusisë dhe Kinës në forcimin e bashkëpunimit ndërkombëtar mes regjimeve autoritare, përfshirë fushat e medias, teknologjisë dhe sigurisë.