Arrestohet autori i dyshuar i vrasjes së Egli Progës

Denis Meçaj, autor i dyshuar i vrasjes së Egli Progës, është arrestuar mbrëmjen e djeshme nga policia në shoqërinë e një personi tjetër, duke u kthyer në banesën e tij. Sipas informacioneve, Meçaj ka thyer masën e sigurisë "arrest në shtëpi" të vendosur nga Gjykata e Korçës për vrasjen e Egli Progës.

Meçaj ka qenë në shoqërinë e kushërirësit të tij, Donel Lika, i cili po ashtu u vu në prangë për veprën penale "moskallëzim krimi". Gjatë momentit të konstatimit rreth 300 m larg banesës, Meçaj nuk ka pranuar që të shoqërohet nga policia duke i kundërshtuar këta të fundit në përfundim të veprimeve, arrestimi i tij u bë për veprat penale "largimi i të burgosurit nga vendi i qëndrimit" dhe "kundërshtim i punonjësit të rendit publik".