Protestat studentore në Tiranë: Reagimet e mediave austriake

Protestat studentore në Tiranë janë në vazhdim, me pjesëmarrësit duke rrezikuar gjoba prej më shumë se 5000 eurosh. Media austriake "Die Presse" ka reaguar në lidhje me protestat, duke pasqyruar përshkallëzimin e përplasjeve me efektivët e policisë dhe protestuesve, si dhe pakënaqësinë qytetare ndaj kryeministrit Edi Rama.

Sipas "Die Presse", njerëzit kanë kërkuar më herët largimin e kryeministrit, ndërsa pakënaqësia për gjendjen sociale dhe hendeku i madh mes të varfërve dhe të pasurve po i shtyn shumë njerëz të dalin në rrugë. Në Tiranë, megjithatë, është e vështirë të gjesh pankarta me kërkesat shkruara. Por të gjithë bien dakord se Edi Rama duhet të jape dorëheqjen.

Rama është kryeministër që nga viti 2013 i këtij vendi me 2,4 milion banorë. Para kësaj, ai kishte qenë për shumë vite kryetar i Bashkisë së Tiranës. Politikani që mban atlete është i njohur për stilin e tij jokonvencional të politikës dhe për politikat krijuese në administrimin e qytetit.

Por gjatë periudhës së qeverisjes së tij kanë shpërthyer disa skandale të medha korrupsioni, ku janë përfshirë anëtarë të rangut të lartë të qeverisë dhe zyrtarë të Partisë së tij Socialiste. Kohët e fundit, këto çështje janë vënë në lëvizje nga agjencia kundër korrupsionit SPAK, një strukturë funksionimi i suksesshëm i së cilës është një nga kushtet për anëtarësimin e vendit në BE.

"Asnjë vend tjetër nuk është aq i korruptuar sa Shqipëria", thotë një tjetër pjesëmarrëse në proteste. Ajo tregon nga syzet e saj të diellit. "Ka policë civilë që fotografojnë protestuesit", thotë gruaja, e cila prezantohet.