Barça nuk arriti të merrte Harry Kane, sulmuesi anglez mbetet në Bayern Munich

Barcelona kishte një plan ambicioz për të zëvendësuar Robert Lewandowskin, por sulmuesi anglez Harry Kane ishte një nga emrat kryesorë në listën e drejtuesve katalanas. Sulmuesi i Bayern Munich ishte objekt i interesit edhe për Real Madrid, por të dy klubet spanjolle morën një përgjigje të njëjtë.

Sipas gazetarit Fabrizio Romano, Barcelona nisi kontaktet para se të fillonte Botërori 2026 dhe i vazhdoi ato gjatë fazës së para të turneut. Drejtuesit katalanas kërkonin të mësonin nëse Kane ishte i gatshëm të largohej nga Gjermania dhe cilat ishin kushtet për një transferim të mundshëm në "Camp Nou".

Por Barcelona nuk ishte e vetmja që leviz. Edhe Real Madrid bëri sondazhet e veta për kapitenin e Anglisë, duke përpjekur të kuptonte nëse ekzistonte mundësia për ta afruar në Madrid.

Përgjigja e Kane ishte e prerë: "Faleminderit, por Bayern Munich është prioriteti im".

Interesi i Barcelonës lidhej drejtpërdrejt me kërkesën e një pasuesi për Robert Lewandowskin. Katalanasit kishin shqyrtuar edhe mundësinë e transferimit të Julian Alvarez, por negociatat me Atletico Madrid paraqisnin vështirësi. Në këto kushte, Kane përfaqësonte një alternativë të nivelit më të lartë, ndonëse operacioni kërkonte një investim të konsiderueshëm financiar.

Situata kontraktuale e sulmuesit 33-vjeçar u jepte klubeve spanjolle mundësinë të shqyrtonin një marrëveshje, por pengesa kryesore nuk ishte vetëm financiare. Vetë futbollisti nuk kishte ndërmend të largohej nga Mynih.

Madje, sipas Fabrizio Romanos, Kane ka arritur tashmë një marrëveshje verbale me drejtuesit e Bayern Munich për të zgjatur kontratën deri në qershor të vitit 2029. Klubi gjerman dhe përfaqësuesit e sulmuesit po përgatisin dokumentacionin për të formalizuar rinovimin.

Në këtë mënyrë, Barcelona dhe Real Madrid mbeten vetëm te kontaktet paraprake, ndërsa Bayern Munich po përgatitet të sigurojë qëndrimin e sulmuesit anglez edhe për tre sezonet e ardhshme.