VIDEO/ Pogradeci, fitore e humbur në Kategorinë e Parë, arbitrat i anuluan golin
Pogradeci dhe Oriku u takuan në një ndeshje të Kategorisë së Parë, por arbitrat i anuluan golin dhe fitoren e skuadrës liqenore.
Polemika në Kategorinë e Parë, arbitrat i heqin fitoren Pogradecit. Sfidën e madhe me tension dhe polemikë të zhvilluar në stadiumin "Gjorgji Kyçyku" e përballoi Pogradeci dhe Oriku në një ndeshje të Kategorisë së Parë. Përballja e vlefshme për javën e tetë përfundoi në barazim pa gola 0-0.
Gjithçka shpërtheu në minutën e 77-të të takimit pas një vendimi i kontestuar të trupës së gjykimit. Portieri brazilian i Orikut, Anderson Da Silva Rocha, la topin nga duart për ta goditur jashtë zonës së tij.
Një sulmues i Pogradecit shfrytëzoi menjëherë këtë moment duke ndërhyrë dhe dërguar topin drejt rrjetës. Megjithatë, kryesori Gerald Çokaj dhe anësori Endri Fejzullahu e konsideruan aksionin si të parregullt duke anuluar golin.
Ky vendim ngjalli protesta të fuqishme pasi sipas rregullores ndërkombëtare të futbollit topi ishte tërësisht në lojë. Ky episod ndikoi direkt në rezultatin përfundimtar duke i hequr fitoren skuadrës liqenore.