Veliaj shkarkon dy nënkryetarët e Bashkisë së Tiranës, emëron Etleva Bishën në vendin e tyre
Kryebashkiaku i Tiranës, Erion Veliaj, ka liruar nga detyra dy nënkryetarët e bashkisë, Vasilika Vjeron dhe Ilir Mëngren. Në vendin e tyre është emëruar Etleva Bisha, një emër me përvojë në Partinë Socialiste dhe në administratën publike.
Kryetari i Bashkisë së Tiranës, Erion Veliaj, ka liruar nga detyra dy nënkryetarët, Vasilika Vjeron dhe Ilir Mëngren. Në vendin e tyre është emëruar Etleva Bisha, një emër me përvojë në Partinë Socialiste dhe në administratën publike. Bisha ka qenë një nga themeluesit e FRESH-it dhe ka marrë pjesë në reformimin e shërbimeve sociale gjatë periudhës kur Erion Veliaj drejtonte ministrinë e përgjegjëse për këto sektor.
Ndryshimet në Bashkinë e Tiranës marrin edhe një dimension politik, për shkak të zhvillimeve të një dite me parë dhe përplasjes së Veliaj me institucionet shtetërore për transferimin e tij në Burgun e Fierit. Mund të shihet edhe si mesazh politik, për t'i treguar Ramës se ka ende fuqi.
Kryebashkiaku u transferua në mënyrë të beftë në këto institucion, ndërsa sipas raportimeve është vendosur për dhjetë ditë në regjim survejimi, në një dhomë pa dritare. Drejtoria e Përgjithshme e Burgjeve ka reaguar pas transferimit, duke deklaruar se vendimi përmbyllin informacion të klasifikuar si sekret shtetëror dhe se nuk mund të bëhet publik arsyet e masës.
Veliaj ka reaguar ashpër ndaj këtij qëndrimit, duke kërkuar dokumentacionin që justifikon klasifikimin e vendimit. Ai ka deklaruar se është e pamundur që të mos i vijë në dispozicion akti dhe se synohet të mohohet edhe mundësia për ta njohur, kundërshtuar dhe ankimuar efektivisht atë.