Avokatët të rikthehen në seanca gjyqësore, bojkoti i tyre të ndalohet

Dhoma e Avokatëve ka vendosur të japë fund bojkotit të proceseve gjyqësore. Vendimi u morë nga Këshilli Kombëtar i Avokatëve, ndërsa nga dita e hënë pritet të rifillohen pjesëmarrjet e avokatëve në seancat gjyqësore.

Bojkoti i avokatëve në GJKKO nisi më 8 shtator, si kundërshtim ndaj rregullorës së re të Gjykatës së Posaçme, e cila ndalon mbajtjen dhe përdorimin e telefonave cellulare në sallat e gjyqit. Sipas Dhomës së Avokatëve, kjo masë cenon ushtrimin e profesionit dhe të drejtën e mbrojtjes.

Pas 53 ditësh bojkot, gjatë të cilave u shtynën dhjetëra seanca gjyqësore, avokatët kanë vendosur të rikthehen proceseve nga e hëna. Vendimi vjen pas ndërhyrjes së Gjykatës Administrative të Apelit, e cila pezulloi zbatimin e vendimeve të Dhomës së Avokatëve për bojkotin.

Lajmin e beri i dëgjoi kreu i Dhomës së Avokatëve, Maks Haxhia, i cili deklaroi se, institucioni që ai drejton do të vijojë përpjekjet për zgjidhjen e konfliktit përmes rrugëve ligjore, duke kundërshtuar mënyrën se si është trajtuar deri më tani kjo çështje.

“Duhet ta godasim në rrugë gjyqësore. Sot na u vu në dispozicion vendimi i Gjykatës së Apelit. Në këto kushte, ky organ vendimmarrës i bën prezente të gjithë situatën dhe të kaluarën, të gjitha përpjekjet tona në zgjidhjen e këtij konflikti”, deklaroi Haxhia.

Kreu i Dhomës së Avokatëve theksoi se institucioni që ai drejton ka kërkuar që prej fillimit një zgjidhje në përputhje me ligjin, ndërsa kritikoi mënyrën e komunikimit dhe ushtrimin e autoritetit gjatë trajtimit të konfliktit.

“Kemi qenë dhe jemi që çdo gjë të zgjidhet në përputhje me ligjin. U përdor autoriteti i karriges dhe nuk është fare normale që një vend kaq i vogël të ndiqet me autoritetin e karriges, që është mënyra më e keqe për të transmetuar një komunikim”, u shpreh ai.

Në përfundim, Haxhia njoftoi se vendimi i Këshillit Kombëtar të Avokatëve për ndërprerjen e bojkotit do të u komunikohet të gjithë avokatëve.