Deputetja Zhupa: 9 maj ishte thënë dhe Klosi, vetëm Begaj do të noterizonte

Deputetja e PD-së, Ina Zhupa ka bërë një reagim në rrjetet sociale për dekretimin e 9 majit si ditë zgjedhjesh lokale. Ajo shkruan se këtë datë e kishte thënë dhe kreu i Grupit Parlamentar të PS-së, Taulant Balla në Konferencën e Kryetarëve. Pas Ballës, Zhupa shkruan se e tha dhe sekretari i Përgjithshëm i PS-së, Blendi Klosi në një dalje televizive. Ajo thekson se ishte e qartë se presidenti Bajram Begaj vetëm do të "noterizonte" urdhrat e socialistëve. "9 maj e kishte thënë Balla në konferencën e kryetarëve në shtator, e tha Klosi në tv kombëtar. Ishin të qartë se noter Begaj vetëm vulos", shkruan Zhupa.