Berisha: Duhet të pyesni ambasadorin amerikan, jo mua

Kreu i Partisë Demokratike, Sali Berisha, ka komentuar marrëdhënien e tij me përfaqësuesin diplomatik amerikan dhe mundësinë e një takimi me ambasadorin e ri të SHBA-së në Shqipëri, Eric Wendt. I pyetur në studion e emisionit "ÇdoKënd", në A2 CNN, se kur do ta takojë ambasadorin e ri amerikan, Berisha u përgjigj: "Duhet të pyesni ambasadorin amerikan, jo mua".

Lideri i opozitës foli gjithashtu për çështjen e sanksioneve amerikane ndaj tij, duke pretenduar se nuk ka pasur asnjë sanksion tjetër përveç revokimit të vizës. Berisha u ndal edhe te verifikimet e pasurisë së tij dhe familjarëve, duke i cilësuar ato si një proces të plotë verifikimi, nga i cili, sipas tij, nuk është konstatuar asnjë shkelje.

"Duhet të pyesni ambasadorin amerikan, jo mua. Unë nuk kam patur asnjë sanksion tjetër përveç vizës. Ka ligje të tjera që parashikojnë gjëra të tjera. Në atë kohë, u dërgua në Thesar kërkesa, pa asnjë bazë, për verifikim pasurie. Thesari tha që nuk ka asnjë motiv për sanksione ndaj Sali Berishës. Mua më benë nënder pasi u bë një vetting dhe unë jam i vetmi politikan në Evropë me dy vetting. Vetting të plotë deri te nipërit e mi para lindjes. Zero u gjet. U gjet se dhënëndrri im dhe vajza ime kanë sponsorizuar 3 familje me fëmijë me autizëm në qendrën ku bashkëshortja ime punon prej 20 vitesh pa asnjë lloj shpërblimi. Kanë arritur deri aty, sikur të ishin nazistë, që të tregojnë emrat e fëmijëve autikë, duke traumatizuar familjet. Kështu, unë u them studentëve që të mos presin kurrë zgjidhje nga individë të korruptuar", tha Berisha.