Tragjedia në futbollin spanjoll: Real Madrid mbajti 1 minutë heshtje, Barcelona dhe RFEF anuluan ndeshjet
Futbollistët dhe klubit Real Madrid mbajtën 1 minutë heshtje për të nderuar kujtimin e Jesus de Miguel, një futbollist spanjoll që vdiq pas një përplasjeje me një portier të Andorra FC. Klubi i Barcelonës dhe disa klube të tjera spanjolle shprehën mesazhe të ngushëllimit dhe mbështetjen për familjen dhe miqtë e futbollistit.
Futbollli spanjoll u trondit mëngjesin e kësaj të martë nga lajmi tragjik i ndarjes nga jeta të sulmuesit të Tenerife, Jesus de Miguel pas një përplasjeje shumë të fortë gjatë lojës me portierin e Andorra FC, Jesus Owono. Në vendin iberik klubi dhe futbollistë të ndryshëm shprehën dhimbje për këtë humbje duke dhënë edhe mesazhet e ngushëllimit. Në Valdebebas, futbollistët dhe stafi teknik i Realit të Madridit përpara fillimit të stërvitjes formuan një rreth të madh dhe mbajtën 1 minutë heshtje për të nderuar kujtimin e Jesus de Miguel, një veprim që e ndërmori edhe skuadra e Sevillas. Klubi i Barcelonës ashtu edhe si një sërë klubesh të tjerë si Atletico Madrid apo Espanyol, përmes rrjeteve sociale dhanë mesazhet e tyre të ngushëllimit dhe shprehën mbështetjen ndaj familjes dhe miqve të futbollistit në këtë moment të vështirë. Ndërsa Federata Spanjolle e Futbollit(RFEF) në shenjë respekti dhe solidariteti vendosi të anulojë ndeshjet e programuara për t’u zhvilluara këtë të martë.