Panairi i 29-të i Librit “Tirana 2026” shtyhet për në dhjetor

PANAIRI I 29-TË I LIBRIT “TIRANA 2026” SHTYHET PËR NË DHjetor

Panairi i 29-të i Librit “Tirana 2026”, i parashikuar të mbahej në datat 11-15 nëntor, është shtyrë për në muajin dhjetor. Lajmi është bërë i ditur nga grupi organizator, i cili argumenton se situata e tensionuar në Tiranë nuk garanton pjesëmarrjen e duhur të vizitorëve dhe lexuesve. Në një njoftim drejtuar botuesve, ekspozuesve dhe lexuesve, organizatorët bëjnë me dije se vendimi është marrë pas konsultimeve me botues, pedagogë, mësues dhe lexues. Sipas tyre, shqetësim i veçantë është pjesëmarrja e të rinjve dhe fëmijëve, të cilët përbëjnë një nga grupet kryesore të synuara të këtij aktiviteti kulturor. Panairi do të zhvillohet brenda muajit dhjetor, ndërsa datat e reja do të bëhen publike në ditët në vijim.