Aksidenti në aksin Levan-Vlorë: Makina përplas një këmbësor 74-vjeçar

Një aksident rrugor është regjistruar rreth orës 18:00 në aksin Levan-Vlorë, në rrugën e vjetër. Një automjet ka përplasur një këmbësor 74-vjeçar. Sipas njoftimit të policisë, automjeti drejtohej nga një 58-vjeçar me inicialet A. B. Këmbësori, A. Sh., banues në fshatin Levan, është transportuar në Spitalin Rajonal Fier për të marrë ndihmë mjekësore. Drejtuesi i automjetit është shoqëruar në Komisariat për veprime të mëtejshme procedurale. Policia bën me dije se nga testi i alkoolit rezultoi se 58-vjeçari nuk kishte konsumuar alkool. Ndërkohë, grupi hetimor vijon punën për të zbardhur rrethanat dhe shkakun e aksidentit.