Ambasadorja e BE: Protesta paqësore është e drejtë, por dhuna nuk ka vend

Ambasadorja e Bashkimit Europian, Sofia Moreira de Sousa, ka komentuar protestat në Shqipëri, duke theksuar se protesta paqësore është një e drejtë demokratike, por dhuna nuk mund të justifikohet, pavarësisht se nga kush ushtrohet. Ajo ka thënë se ajo që mungon aktualisht është dialogu mes palëve dhe ka bërë thirrje që të gjitha palët të bëjnë përpjekje të vërteta për të nisur komunikimin.

“Protestat paqësore janë një e drejtë demokratike, por, siç e thashë, jo dhuna. Dhuna nuk ka vend, nga kushdo që vjen. Ajo që mungon sot është dialogu dhe palët, pa përjashtim, duhet të bëjnë përpjekje të vërteta për të filluar dialogun. Protesta i kemi edhe në Europë. E rëndësishme është të kuptojmë cilat janë problemet e qytetarëve dhe të gjejmë mënyrat e duhura për t’i trajtuar ato”, u shpreh ambasadorja.