Shoferja e zuri gjumi dhe makinës i doli jashtë rruga, ndërpret transmetimin live

Një incident i pabesueshëm ka ndodhur në Brazil, ku një makinë është përplasur me shpejtësi brenda një dyqani veshjesh pikërisht gjatë një transmetimi live për ofertat e Black Friday. Ngjarja ndodhi të enjten pasdite, më 5 nëntor, rreth orës 16:30 me orën lokale, në qytetin e Manaus, në shtetin e Amazonas, në dyqanin “Guta”. Pronarja e dyqanit, biznesmenia Dailane Augusta da Silva Baba, e njohur si Guta, dhe një punonjëse po shfaqnin produktet drejtpërdrejt në rrjetet sociale kur një Jeep Renegade theu xhamat dhe u fut brenda hapësirës tregtare. Momenti i përplasjes u kap i gjithi nga kamera e përdorur për live-in dhe nga kamerat e sigurisë, video e cila më pas u bë virale. Sipas dëshmisë së dhënë në Policinë Ushtarake, shoferja e makinës u ka thënë oficerëve të Njësisë së 22-të të Policisë Komunitare (Cicom) se e kishte zënë gjumi gjatë drejtimit të automjetit dhe humbi kontrollin. Si pasojë e aksidentit, mbeti e plagosur lehtë punonjësja. Pronarja reagoi më pas në rrjetet sociale, duke thënë se të gjithë janë mirë, por ka dëme të shumta materiale. Autoritetet po hetojnë rrethanat e sakta të aksidentit, ndërsa shoferja është marrë në pyetje dhe po hetohet.