Aktualitet
Studentët protestojnë sot para Ministrisë së Arsimit
Studentët kanë paralajmëruar protestë në orën 14:00 para Ministrisë së Arsimit, pas tubimit të shtunës së kaluar, gjatë të cilit të rinjtë nuk pranuan që përfaqësues dhe mbështetës të Partisë Demokratike t'u bashkoheshin protestës së tyre.
Protestat në kryeqytet do të vijojnë edhe sot, me disa grumbullime të paralajmëruara gjatë ditës. Studentët kanë paralajmëruar protestë në orën 14:00 para Ministrisë së Arsimit. Ende nuk dihet itinerari i tyre dhe se si do të jetë tubimi i sotëm, pasi një javë më parë situata u tensionua në disa momente. Ndërkohë, në orën 12:00, Partia Demokratike ka thirrur një protestë para Kryeministrisë.