Tensione mes Trump dhe Netanyahut për rifillimin e sulmeve ndaj Iranit

Kryeministri izraelit Benjamin Netanyahu dhe presidenti amerikan Donald Trump patën një telefonatë të tensionuar gjatë fundjavës, ku në qendër të diskutimit ishte mundësia e rifillimit të operacioneve ushtarake kundër Iranit. Netanyahu këmbëngul për rifillimin e sulmeve ushtarake, ndërsa Trump duket se është më i prirur t’u japë kohë përpjekjeve diplomatike me qëllim arritjen e një marrëveshjeje me Republikën islamike. Telefonata e fundjavës ishte veçanërisht e vështirë dhe përfshiu shkëmbime të ashpra replikash mes dy liderëve. Zyra e kryeministrit izraelit i hodhi të tilla këto pretendime, duke i përshkruar si “lajme të rreme dhe marrëzi të pastër”. Ndërkohë, Netanyahu po përballet edhe me pasiguri në frontin e brendshëm politik, pas zgjedhjeve parlamentare të 27 tetorit në Izrael.