Kulusevski: Refuzova një transplant të gjurit dhe një vit e gjysmë të jashtë fushave
Dejan Kulusevski shpëton nga një operacion i rrezikshëm dhe një vit e gjysmë jashtë fushave

Dejan Kulusevski, sulmuesi i kombëtares suedeze, ka rrëfyer se si arriti ta ndryshonte situatën pas dëmtimit të rëndë të pësuar në gju. Kulusevski kishte lënë pas krahëve dëmtimin për 526 ditë dhe ishte hedhur edhe ideja e një transplanti të artikulacionit, që do ta kishte mbajtur jashtë fushave të lojës edhe për një vit e gjysmë tjetër.
Kulusevski tha se ishin pikërisht Zlatan Ibrahimovic dhe Ivan Perisic që e drejtuan te një specialist në Serbi, pas dy ndërhyrjeve kirurgjikale që nuk dhanë rezultat. Specialisti serb i kishte propozuar një transplant të gjurit, por Kulusevski refuzoi. "Bëhej fjalë për një transplant të gjurit. Do të zëvendësoja gjurin tim me atë të një tjetri, por më pas refuzova: ‘Do ta bëjmë kështu, nëse do të kem dhimbje kur të luaj, do të duhet të luaj me dhimbje’", tha Kulusevski.
Kulusevski tha se mendoi edhe tërheqjen përfundimtare nga futbolli përpara se të takonte mjekun që i zgjidhi të gjithë problemi i tij. "Do të transferohesha në një ishull për të qëndruar me familjen time. Po të mos kisha vajzën time do të ishte e vështirë", tha Kulusevski. Mjeku serb ishte i rëndësishëm për të, dhe i tha: "Mos mendo për operacione të tjera, do të bëjmë këtë".