Hoxha: Shqipëria duhet të përkthejë momentumin në rezultate konkrete dhe të matshme
Ministri i Evropës dhe Punëve të Jashtme, Ferit Hoxha, ka takuar Komisioneren Evropiane për Zgjerimin, Marta Kos, për të diskutuar ecurinë e procesit të anëtarësimit të Shqipërisë në Bashkimin Evropian dhe hapat e mëtejshëm drejt përmbylljes së negociatave.

Ministri Hoxha ka theksuar se Shqipëria ka krijuar një momentum të fortë dhe real në rrugëtimin e saj evropian, por tani është koha që këtë momentum ta përkthejmë në rezultate të matshme dhe të vijojmë me mbylljen e kapitujve dhe t’i shndërrojmë angazhimet në reforma. Ai ka nënvizuar rëndësinë e bashkëpunimit të ngushtë me Komisionin Evropian dhe vendet anëtare të BE-së për përshpejtimin e reformave dhe përmbushjen e angazhimeve. Hoxha ka falënderuar Komisioneren Kos për mbështetjen e vazhdueshme dhe angazhimin e saj për një proces zgjerimi të besueshëm dhe të bazuar në meritë.