Protesta, mbi 300 të arrestuar, gazetarja: Janë identifikuar grupe në rrjetet sociale që nxisnin dhunën
Protestat e dhunshme në vendin tonë, mbi 300 të arrestuar dhe provat që lidhin persona të caktuar me akte të dhunshme.
Gazetarja Etleva Delia, në Breaking News, ka komentuar protestat e dhunshme në vendin tonë, duke theksuar se deri më tani janë siguruar prova që lidhin persona të caktuar me këto akte. Sipas Delias, janë identifikuar disa grupime në rrjetet sociale që bëjnë thirrje për akte terroriste, dhunë dhe sulme ndaj Policisë, ku po bashkëpunohet edhe me agjenci të huaja për gjurmimin e adresave IP. Që nga nisja e protestave deri më tani, bëhet fjalë për më shumë se 300 persona të arrestuar, ndërsa një numër edhe më i madh është proceduar penalisht. Delia bëri të ditur gjithashtu se janë zbuluar dy magazina me mjete piroteknike, si dhe një depo ku janë gjetur dronë, sfera metalike dhe objekte të tjera që po shqyrtohen në kuadër të hetimeve.