Gjykata pritet të japë vendimin për Mark Samson, akuzuar për vrasjen e Ilaria Sulës

Gjykata në Romë pritet të shpallë sot vendimin për Mark Samson, i cili ka pranuar autorësinë e vrasjes së studentes shqiptare Ilaria Sula, 22 vjeç. Prokuroria italiane ka kërkuar dënimin e tij me burgim përjetshëm, duke argumentuar se vrasja ishte planifikuar më parë. Nga ana tjetër, avokatët mbrojtës pretendojnë se krimi ndodhi gjatë një konflikti të çastit dhe jo si rezultat i një plani të paramenduar.

Ngjarja ndodhi më 25 mars 2025, në banesën e Samson, në rrugën Homs, në lagjen Africano të Romës, ku ai vrau me thikë studenten shqiptare. Pas krimit, Samson e futi trupin e 22-vjeçares në një valixhe dhe e hodhi në një humnerë në zonën e Capranica Prenestina. Autoritetet italiane e gjetën trupin më 2 prill, pas rreth një jave kërkesh.

Samson përballet me akuzat për vrasje me dashje dhe fshehje të trupit të viktimës. Prokuroria kërkon burgim përjetshëm. Më 19 maj, Prokuroria e Romës kërkuar dënimin maksimal për të pandehurin, duke argumentuar se ai kishte organizuar vrasjen dhe kishte vepruar me gjakftohtësi.

Sipas prokurorisë, Samson e kishte ftuar Ilaria Sulën në banesën e tij, ku i kishte ngritur një kurth. Prokurorët pretendojnë se ai fillimisht e goditi studenten me grushte dhe më pas e sulmoi me thikë.

Gjykata do të përcaktojë nëse vrasja e Ilaria Sulës do të cilësohet si krim i paramenduar, sipas pretendimeve të prokurorisë, apo si një akt i kryer në gjaknxehtësi, siç argumenton mbrojtja.