BE vendos tarifën e re për pakotë elektronike, 6 miliardë euro për buxhetin e BE-së

Tarifa e re do të gjenerojë 6 miliardë euro për buxhetin e BE-së gjatë periudhës 2028-2034, sipas një dokumenti të Komisionit Evropian. Ky vlerësim i papublikuar më parë tregon përmasat e masave që Europa po ndërmerr kundër fluksit të importeve të lira përmes tregtisë elektronike, të cilat, sipas autoriteteve europiane, vijne kryesisht nga Kina.

Sipas Komisionit Evropian, vitin e kaluar në BE hyri rreth 5.8 miliardë pakotë me vlerë nën 150 euro, një rritje prej 26% krahasuar me vitin e mëparshëm. Komisioni vlerëson se shumica e këtyre pakove kishin një vlerë të deklaruar më të ulët se ajo reale, me qëllim shmangien e detyrimeve doganore.

BE-ja do të vendosë një tarifë shtesë 2 euro për pakotë me vlerë të ulët, duke filluar nga 1 janar. Kjo do të rrisë më tej barrën për çdo artikull të vjetër, pas tarifës së 3 euro që ka hyrë në fuqi në fillim të korrikut.

PDD Holdings, kompania mëme e Temu, deklaroi në gusht se kjo masë do të kishte një ndikim të konsiderueshëm në disa pjesë të aktivitetit të saj, pa dhënë një vlerësim sasiore.

Shein realizoi rreth një të tretën të ardhurave të saj në Evropë. Shitjet e kompanisë në rajon kishin filluar të bien edhe para vendosjes së tarifave, pasi ajo kishte rritur çmime dhe kishte reduktuar shpenzimet për reklama.

Një zyrtar i Komisionit Evropian nuk pranoi të komentonte vlerësimin për ardhurat e pritshme. Gjatë një takimi informues me gazetaret të premten, një tjetër zyrtar i Komisionit deklaroi se nuk mund të parashikonte përfundimisht nivelin e ardhurave nga tregtia elektronike.

Dirk Gotink, eurodeputeti që drejton reformet doganore të BE-së në Parlamentin Evropian, tha se tarifa e re 2 euro synon të luftojë atë që ai e cilësoi si një "model biznesi shumë toksik, të bazuar në importet e tregtisë elektronike me vlerë të ulët nga Kina, që nuk përmblidhin standardet dhe rregullat në fuqi".

"Ardhurat e reja që do të gjenerohen na japin mundësinë dhe mjetet për të korrigjuar dekada të tëra nëninvestimi dhe për të siguruar autoritetet doganore evropiane burimet që u nevojiten për të mbrojtur në mënyrë efektive tregun tonë të përbashkët", tha ai.

Vlerësimi i ardhurave merr parasysh edhe një rënie të pritshme të numrit të pakove me vlerë të ulët që hyjnë në BE, pasi Brukseli parashikon që shitësit të përshtaten me masat e reja.

Tarifat ushtrojnë presion mbi platformat kineze

Tarifat e BE-së vijnë pas masave të ngjashme të ndërmarrë vitin e kaluar nga Shtetet e Bashkuara, të cilat hoqën trajtimin pa detyrime doganore për porositë në internet, për të adresuar shqetësimet lidhur me konkurrencën e pandershme dhe produktet e pasigurta.

Komisioni Evropian vlerëson se rreth 90% e tarifave të mbledhura do të kalojnë në buxhetin e BE-së, ndërsa 10% do të mbeten shteteve anëtare. Megjithatë, kjo ndarje mund të ndryshojë nëse vendet anëtare kërkojnë të mbajnë një pjesë të madhe të të ardhurave, ndërkohë që negociatat për buxhetin e periudhës 2028-2034 janë ende në zhvillim.

Aktualisht, shtetet anëtare të BE-së mbajnë 25% të të ardhurave nga tarifat.

Grupet kineze të tregtisë elektronike kanë filluar tashmë të përshtaten me ndryshimet.

AliExpress, në pronësi të gjigantit kinez të tregtisë elektronike Alibaba, deklaroi se po zgjeron kapacitetet e magazinimit në tregjet lokale si përgjigje ndaj tarifave. Megjithatë, kompania paralajmëroi se këto tarifa do të demtojnë familjet me të ardhura të ulëta në Evropë dhe do të "përkeqësojnë krizën e kostos së jetës".

Temu u ka ofruar disa blerësve ulje çmimeve për të kompensuar tarifat. Kjo tregon presionin mbi kompaninë për të kufizuar efektin e rritjes së çmimeve të konsumatorëve, të cilët janë mësuar të porosisin bizhuteri me vlerë 3 euro apo fustane me çmim 5 euro.