Pulisic rinovon kontratën me Milanin deri në 2031

Christian Pulisic ka rinovuar kontratën me Milanin deri në vitin 2031. Sulmuesi amerikan është një nga protagonistët e skuadrës kuqezi dhe ka shfaqur cilësi teknike, personalitet dhe rendiment të vazhdueshëm që nga ardhja e tij në korrik të 2023.

Kontrata e re e Pulisic shoqërohet edhe me një rritje të pagës që kalon nga 4 milionë në rreth 6 milionë euro në sezon. Misioni i Milanit është që pas Pavlovic dhe Pulisic, të rinovohet kontrata edhe me Rabiot që pritet te ndodhë në javët e ardhshme.

Pulisic tha se për të ishte një vendim shumë i lehtë të rinovonte kontratën me Milanin dhe se ai është shumë i kënaqur të vazhdojë të rri në skuadër.